Itihas

2012 bilsini August 7 tariko South West Garo Hills district ko songaha, aro ian Meghalaya adokni chonbatgipa district damsa ong.a. Garo ba A.chikrang jelbatgipa jat ong.oba, ia district o Koch aro Hajong rangba songdongpaenga.

Biapni gunrang

South West Garo Hills district ni bak gittamni baksa mangni gitade, a.brirara ong.a. Una agre, bak gittamni bakgni-ni gitade, a.kawe ong.e a.timborang bang.gija gnang. Garobadha joloni Mankachar ona kingking soke, Bangladesh aro Assamni Dhubri district ni arirang nangdikpile Mahendraganj aro Gopinath Killa jolgimikan a.kawerara ong.a. Unikoa, a.bri jolara, Salaramchipak Turaoni Km 11 mang ja.man a.bachenge, Salgipengchipak Damalgre, Okkapara, Mellim aro Salmanpara jolona man.a. Ia a.brirang aro a.bri ritingrang District ni Salaram aro Salgipeng chipak ong.a, aro a.brioni tang.onrorobae, Salgro aro Saliramchipak apalbegipa a’kawejolona nangdimea.